සමස්ත ලංකා වකුගඩු රෝගීන්ගේ සංගමය යනු ශ්‍රී ලංකා වකුගඩු රෝගීන්ගේ යහපත උදෙසා වකුගඩු රෝගීන් සහ වෛද්‍යවරුන් එක්ව ලක් මවට දායාද කල සුපින්වත් සංවිධානයයි. මෙම සංගමයේ අතීතය 1980 දශකයේ මැද බාගය දක්වා විහිදේ.1987 දී ශ්‍රී ලංකාවේ ප්‍රථම වකුගඩු බද්ධ කිරීම මහාචාර්ය රිස්වි ෂෙරිෆ් ,මහාචාර්ය ඒ.එච්.ෆෙරිෆ්ඩින් සහ මහාචාර්ය ජෙරී ජයසේකර යන මහත්වරු ත්‍රිත්වය විසින් බොහෝ වෙහෙසක් ගෙන අභියෝග මධ්‍යයේ සිදු කරන ලද අතර ඊට සමගාමීව මතුවූ ,වකුගඩු රෝගීන්ගේ සමාජ, ආර්ථික අවශ්‍යතා සපුරාලීමට මහාචාර්ය රිස්වි ශෙරිෆ් සහ විජය රන්සි යුගලය මගින් ශ්‍රී ලංකාවේ ප්‍රථම වකුගඩු සංගමය 1985 දී ශ්‍රී ලංකා වකුගඩු රෝගීන්ගේ සංගමය ලෙස බිහිවිය. වකුගඩු රෝගීන් වෙනුවෙන් විශාල මෙහෙවරක් කර පසුව අක්‍රීයව පැවති එම සංගමය 2011 ජුනි 5 වන දින නැවත උපත ලැබුයේ සමස්ත ලංකා වකුගඩු රෝගීන්ගේ සංගමය ලෙසය. මෙම සංගමය නැවත ස්ථපිත කිරිමේ දී විශේෂඥ වෛද්‍යය සංජය හෙයියන්තුඩුව මහතාගේ පුරෝගාමීත්වයෙන් සහ මහාචාර්යය රිස්වි ශෙරිෆ්, මහාචාර්යය මන්දික විජේරත්න, විශේඥ වෛද්‍ය රිස්නි කාසිම්, වෛද්‍ය අර්ජුන් මාරසිංහ, විජය රන්සි මයා, චිත්‍ර ශිල්පි ආර්.ඒ.නිමල් මයා,හෙමන්ත රොෂාන් මයා, අතුල චන්දන බණ්ඩාර මයා සහ චමිලා ක්‍රිශාන්ති මහත්මිය, එස්. එම්. එන්. තුෂාන්ත, ජනක බොතේජු, කේ. ආර්. කරුණාතිලක වෙතින් තිරණාත්මක සහයක් ලැබුණි. මෙම සංගමය ශ්‍රි ලංකා රජයේ සහ අරක්ෂක අමත්‍යංශයේ ලියපදිංචි කර ඇත්තේ L 145205 සහ MOD/NGO/1928 යන අංක වලින්ය. මෙම සංගමයේ නිලධාරින් සහ සහිකයන් වන්නේද වකුගඩු රෝගීන්,වකුගඩු බද්ධ කල රෝගීන් සහ වකුගඩු ප්‍රධානය කළ අයවලුන්ය. ඔවුන් ස්වෙච්ඡාවෙන්ම කිසිදු මුදලක් හෝ වේතනයක් නොලබා තමා පැමිණි දුෂ්කර ගමනේදි මුහුණදුන් අභියෝග අනෙකුත් සහෝදර රෝගීන්හට අවම කර දීමේ උතුම් චේතනාවෙන් මෙම සංගමය වෙත ක්‍රියාශිලිව දායක වෙති.
වකුගඩු රෝගීන්, වෛද්‍යය වරුන්, බුද්ධිමතුන්, කලා කරුවන් සහ ආගමික නායකයින් එක්ව සැදුම්ලත් සුපින්වත් සංවිධානයකි.
ශ්‍රී ලාංකීය වකුගඩු රෝගීන් සහ ඔවුන්ගේ දුවා දරුවන්ගේ සහ වකුගඩු දායකයින්ගේ වෛද්‍යය සහ සමාජ ආර්ථික තත්වයන් සමනය කරගැනීමට මග පෙන්වීම, දිරි දීම සහ උදවු කිරීම.
රට තුල වකුගඩු රෝග හා බැඳුනු සෞඛ්‍යය සමාජ ආර්ථික ප්‍රශ්ණ අවම කිරීම.
ශ්‍රී ලාංකීක මිනිස් සමාජය තුල වකුගඩු රෝග වසංගත තත්වයෙන් පැතිර යන අවස්ථාවක සහ එමගින් රොගීන් පවුල් පිටින් මිය යමින් මුලු රටම මහත් ඛෙදවාචකයකට ඇද වැටී ඇති බැවින්, එයින් ලක් ජනතාව මුද්වා ගැනීම.
සංගමයට උපදේශනය දෙමින් සහ මග පෙන්වමින් රෝගීන් සඳහා සුපින්වත් මෙහෙවරක් කිරීමට ඇප කැප වී සිටින අපගේ අනුශාසක මණ්ඩලය
කථනය - කලා සූරී සතිස්චන්ද්‍ර එදිරිසිංහ
සංගමයේ සුපින්වත් මෙහෙවර
අප හට මුහුණපෑමට සිදුවූ ආර්ථික අපහසුතා අවස්ථාවන්හිදී ඔබ සංගමයෙන් ලබා දුන් එන්නත් ඩයලයිසීස් කිරීම් හා නොමිලේ සැපයූ වෛද්‍ය සේවාවන් අසරණ තත්වයට පත්ව සිටි අප හට නව ජීවයක් ලබා දුන්නා වැනිය. එම තත්වය අපගේ රෝගියා යහපත් තත්වයේ පවත්වා ගැනීමට පිටුවහලක් විය.
දැනට අවුරුදු දෙකක කාලයක සිට මා දරුණු වකුගඩු රෝගයෙන් පීඩා විඳිමි. මාගේ ජීවිතය රැක ගැනීමට එකම ප්‍රතිකාරය වන ඩයලයිසීස් ප්‍රතිකාරය මා හට ලබා දුන් සංගීතා වීරරත්න මැතිනියට හා ශෙරීන් කුමාරතුංග මැතිනියන් දෙපලට සහ සමස්ත ලංකා වකුගඩු රෝගීන්ගේ සංගමයට මාගේ සහ පවුලේ සියලු දෙනාගේම හර්ද්‍යාංගම ස්තූතිය පුද කර සිටිමි.
මා වකුගඩුවක් දන් දීමෙන් ඉමහත් ආත්ම තෘප්තියක් ලබන්නේ එය නොමිලේ ලබා දීම නිසාවෙන් සහ රෝගියා හට ජීවිත අභය දානය ලබා දීමට හැකි වීම නිසාවෙනි. තවද මා ඉතා නීරෝගීව පසු වන අතර සමස්ත ලංකා වකුගඩු රෝගී සංගමය මගින් සංවිධානය කරන ලද ශ්‍රී ලංකාවෙ ප්‍රථම වකුගඩු දායක බද්ධ කල අය අතර පැවැත්වුනු ක්‍රිකට් තරඟයට සහභාගී වී තරඟයේ වීරයා සම්මානයද ලදමි.
අප ආයතනය මගීන් වකුගඩු රොගීන්ගේ දුවා දරුවන් හට වකුගඩු සංගමය හරහා ලබා දෙන ශිෂ්‍යත්ව ක්‍රමය ගැන අතිශයින් තෘප්තිමත් වෙමි.
වකුගඩු රෝගීන්ගේ ජීවිත සුරැකීමට අවශ්‍ය ඩයලිසිස් ප්‍රතිකර්මය ලබාදීමට අවශ්‍ය වෛද්‍යය උපකරණ දිගින් දිගටම ලබා දෙන මෙඩිකල් ඒඩ් ටු ශ්‍රී ලංකා ආයතනයට අපගේ ගෞරවණීය ස්තූතිය.
ශ්‍රී ලාංකීය වකුගඩු රොගීන්ට සහ වකුගඩු සංගමයේ උන්නතියට නිරතුරුවම ඇප කැප වන සියලුම සංවිධාන සහ පුද්ගලයින් හට ගෞරවනීය ස්තූතිය පුද කරමු.
ලෝක වකුගඩු දිනය සමරා සමස්ත ලංකා වකුගඩු රොගී සංගමය මගින් සිදු කරන වැඩසටහන් මාලාව
දූ දරුවන්ට පොත් සහ ශිෂ්‍යත්ව ලබා දීම වකුගඩු රෝගීන්ට බැංකු ක්‍රමයක් ඉදිරිපත් කිරීම ආදී වැඩසටහන් රැසක් සංවිධානය කර ඇත.
වකුගඩු රෝගීන්ට ආශිවාර්ද පතා සිදු කරන පූජා පිංකම - මෙහෙයවීම - සමස්ත ලංකා වකුගඩු රෝගීන්ගේ සංගමය